1 - Kanta, Eliza ; poztu, zeru-lurrak ! Alleluia !

Kanta, Sainduak ; Poztu, salbatuak ! Alleluia !

Poztu ta kanta, Jauna bizi baita ! Alleluia !

 

2 - Kanta, behartsu ; poztu, zaurituak ! Alleluia !

Kanta, zuzenak ; poztu, bertzek joak ! Alleluia !

Poztu ta kanta, Jauna bizi baita ! Alleluia !

1 - Gure lurreko Jainko semeak,

     Goazen bizian kartsuki ;

     Kristo Jaunaren begitarteak

     egiten dauku iguzki.

 

2 - Kristok bezala “ Aita ” diogu

     diren guzien Jaunari :

     Jainko-semetan pizten baitauku

     Gogo Sainduak hitz hori.

 

3 - Gau-intziretan, erdi-minetan

     daude izaite guziak :

     Bekatupetik atera ditzan

     Jainko-semeen biziak.

 

4 - Maitasunezko Jainko Gogoak

     guziak barnez gabiltza :

     Egin ditezen lur guzikoak

     Kristo Jaunaren gorputza.

 

5 - Noiz jautsiko da Kristo zerutik ?

     Noizko da mundu berria ?

     Noiz iganen da minen ondotik,

     Argirat gure Herria ?

 

6 - Gu egin gaitu Kristo iduri :

     Aintza Jaungoiko Aitari !

     Bere Gogoa dauku ixuri :

     Goazen denak bat kantari.

 

1 - Begitartean duzu dirdiran,

Oi Kristo Seme bakarra.
Aitaren baitan beti zinaukan

Goiko aintzaren ederra.

 

2 - Ez zaitu nahi munduak nausi :

Hain da ilunbezalea.

Eman, onetsi zaituguneri,

Zure graziaren betea.

 

3 - Elizan huna, dena grazia,

Kristo, gurekin zaudela.

Erakuts guri zure egia,

Egin gaiten zu bezala.

 

4 - Zuri goresmen, Aita Jainkoa,

Semearekin batean,

Bai eta zuri, Jainko Gogoa,

Beti menderen mendetan.

 

1 - Eguna baita itzaltzen ari,

Kantuz gaude Argi horri,

Kantuz Aitari, Seme Jaunari,

Izpiritu Sainduari.

 

2 - Denetan beti zu gorestea

Fededunek zor dautzute.

Bizi emaile Jainko Semea,

Zeru-lurrek zuri ospe.

1 - Dohatsu bihotz barnez pobreak :

Heina baita zeruetako Erresuma.

 

2 - Dohatsu laño eta eztiak :

Jaunak hitzeman lurraz baitire jabetuko.

 

3 - Dohatsu nigarretan direnak

Kontsolamendu izanen dute Jauna ganik.

 

4 - Dohatsu zuzen gose direnak :

Heien goseak bere asea ukanen du.

 

5 - Dohatsu urrikalkor direnak,

Urrikalmendu ardiestea segur dute.

 

6 - Dohatsu garbi diren bihotzak,

Heiek baitute Jaun zerukoa ikusiko.

 

7 - Dohatsu baketiar direnak,

Beren izena ukanen dute : Jainko seme.

 

8 - Dohatsu Jauna gatik belztuak,

Heiena baita zeruetako Erresuma.

 

9 - Loria, bozkaria zaitezte,

Nasaia baita zuen saria zeruetan.

 

 

1 - Goiz argia, hilik zirenen iguzkia,

Itsuen ganat etorria,

Goza dezaten argi berri pizgarria.

Zato, Jesus Jauna, diren guzien argia !

 

 

2 - Jainko Bildots, berriz herrirat gidaria,

Odola duzu ixuria,

Ardi galduer emateko zuk bizia.

Zato Jesus Jauna, ur bizirako artzaina !

 

3 - Jesu Kristo, Aitak zu baitan du gozoa,

Urean sartuz eta hilez,

Eman diozu gizonari bataioa.

Zato, Jesus Jauna, Erreinurako bidea !

 

4 - Arkaitz berri, ibai bizien iturria,

Bazaude, bihotz idekia,

Ezti dadien fededunen egarria.

Zato, Jesus Jauna, sekulako ur bizia !

 

5 - Suzko lano, gauaz argitzen gaitutzuna,

Galbarioko minen barna,

Agertu duzu gu nolaz joan zeruraino.

Zato, Jesus Jauna, Jainko Aitaren berdina !

 

6 - Ezkon-berri, kurutz-ezteiez hoin egarri,

Ura daukuzu arno egin,

Jainko semeen sinestea piztu dadin.

Zato, Jesus Jauna, zure lurraren pizgarri !

 

7 - Jainko Seme, Izpirituak argitua,

Zure mintzoa da zabaldu,

Eta piztu du munduz mundu goiko sua.

Zato, Jesus goiko aintzaren betea.

 

denetan gorets Jainkoa (2)

 

1 - Bai bihotzean, bai gorputzean

Bai solasetan, bai urratsetan

Jainkoa ganik baita mundua,

Jainkoa ganat baitoa.

 

2 - Bai egun argiz, bai gau betean,

Lanean ariz eta jostetan

Hori da hori bakotxarentzat

zorionaren gakoa.

 

3 - Bai lantegian eta elizan

Etxean eta herriko plazan

Hauxe dadila goiz-arrats izan

zuen biziko leloa.

 

4 - Oren beltz eta poz-aldietan

Bihotzez kanta, eskerrak eman

Hartan bakarrik, hartan gizonak

du bihotzaren osoa.

 

 

1 - Itsasoan, uhainetan zoan Zimun Petri lagunekin,

Mendirat zen aldiz Jesus igan, nahiz gauan otoitz egin.

 

2 - Uhainetan Jesus oinez heldu, gau betean ikustean,

« Mamu bat da ! » egin zuen oihu, elgar laztuz untzi hartan.

 

3 - « Beha zue : ni naiz zuen Jauna, ez zaitezte beldur izan »

« Zu bazare, Jesus, neri mana ibiltzeko ur gainean ».

 

4 - Iziturik uhain jauzietan, urperatzen ari baitzen,

Jesus Jaunak otoi zalba zezan, hasi zaio Petri deitzen.

 

5 - Dei orduko, Petri ganat doa, bi eskuak luze, hor da :

« Hauxe da gizon fede ttipikoa ! Zeren gatik hola duda ? »

 

1 -  Jainkoa zuk duzu jauzarazi

Ilunbetarik mundua.

Zuk duzu izarrez, ospez jauntzi

Gabiltzan gauan zerua.

 

2 - Zu zare Aitaren iduria,

Betiereko ederra ;

Mundua zaitzula bozkaria,

Begitarterat begira.

 

3 - Ilunbe xokoan den argia

Hor zaitugu zu dirdiran,

Fededun urratsetan gidaria

Ilunbetako bidean.

 

4 - Guziak histean, itzaltzean,

Beti zare zu egoki.

Mundua gau beltzak iluntzean,

Zuk bihotzetan iguzki.

 

5 - Etorri behar den goiz-argia

Zeru-lurretan piztean,

Izanen zaitugu zu Nausia,

Gaurik gabeko herrian.

 

1 -  Jesu Kristo, lurrean gizon agertua,

Jesu Kristo, Izpirituan saindutua,

Ez gaitzatela ilunbek ito : Entzun eta zato !

 

 

2 - Jesu Kristo aingerueri argitua,

Jesu Kristo, paganoeri aipatua,

Ez gaitzatela gezurrek ito : Entzun eta zato !

 

3 - Jesu Kristo, munduak Jainko agurtua,

Jesu Kristo, ospe beterat goratua,

Ez gaitzatela gaizkiek ito : Entzun eta zato !

 

1 - Jainkoak egin mundua, edertuz joan dadin,

Gizonaren bi eskuek obratu lanekin.

 

2 - Beti geiago Jainkoak ospe izan dezan,

Gu Jainko-semek munduan egin guzietan.

 

3 - Toki pobrenetaraino izan dadin zer jan :

Zorion, herri orotan ; haur-irri etxetan.

 

4 - Bekatu ondorioen peko den mundua

Langilen lan, izerdiek dadin libratua.

 

5 - Guk ere bai Kurutzea dugun doi bat jasan,

Gero mendeko jendeak lanaz salbatzean.

 

6 - Nork ordain ala zerk paga gizonaren lana ?

Zu zare gure saria zeruetan, Jauna.

 

7 - Ongi egina den lana bihotz altxagarri.

Jaunaren zorionetik zerbeit dugu hori.

 

8 - Kristok baitauzka zeruan eskuak zaurtuak

Lorios ere ditezke langilen eskuak.

 

9 - Zeruko mundu berria dugun orai molda.

Nekez da hemen ereiten ; han uzta biltzen da.

 

 

1 - Noiz da jeikiko egiazko gizona ?

Noizko da noizko Jainkoaren eguna ?

Usu goazi minez min, ilunbetan barna.

Denak argiratzeko, ager zaite, Jauna.

Ager zaite, Jauna.

 

2 - Noiz da piztuko Kristorekin gizona ?

Jainko argian Jainkoraino igana ?

Loratuko zaiku han, hemen egin lana :

Azkenean dukegu Kristok nahi heina,

Kristok nahi heina.

 

3 - Zutan gizonak baitu bere betea,

Zuri dagola denen begitartea ;

Obra dadin munduan Kristoren xedea

Denak amodioan Batetaratzea,

Batetaratzea.

 

4 - Xutik zeruan gure beha da Jauna :

Hari beti so gaiten denak aintzina.

Hango bozkarioa, hango zoriona :

lzanen da Jainkoa denen baitan dena,

Denen baitan dena.

1- Zor bezala, zuri, Jauna, aintza eta indarra.

Zuk ditutzu moldatuak bai zerua, bai lurra.

Zure nahiz da mundua hoin izaitez ederra.

 

2- Nihork ez du Liburua zabaltzeko ahala.

Hara bai Zuk hartu eta zabalduko duzula

Hilik eman duzulakotz gizonentzat odola.

 

3- Herri, leinu, mintzai, jende gaitutzu gu bat egin,

Denetarik erreinu bat Jainkoari sor dadin.

Erregetu behar dugu lur guzian zurekin.

 

4- Hil izan den Bildotsari sekulako eskerrak.

Ontasunak, jauntasunak zaizko eman beharrak.

Hari agur, Hari ospe, bai zeruak, bai lurrak.